“Tu qedr û qiymeta extiyaran nemaye”

: 2017-03-20 18:12

MÊRDÎN - Apê Îbrahîmê 73 salî yê ku ji Nisêbîna Mêrdînê ji ber qedexe û pevçûnan koçî Artukluya Mêrdînê kiriye destnîşan kir wek berê qedr û qiymet ji êxtiyaran re nayê dayîn.

 “Tu qedr û qiymeta extiyaran nemaye”

Îbrahîm Narmanê ku li  Xirabê Tuwa ya Hezexa Şernexê hatiye dinyayê ji ber minasebeta ‘Hefteya Êxtiyaran’ a ku her sal di navbera dîrokên 18-24ê Adarê de tê pîrozkirin ji ÎLKHAyê re axivî. Apê Îbrahîm di axavtina xwe ya ku kir de balan kişand li ser rastiyên dilşewat ên ku di nava civakê de hatine jibîrkirin.

Apê Îbrahîm  destnîşan kir  di destpêka axavtina xwe de diyar kir wek berê qedr û qiymet ji extiyaran re nayê dayîn û xweziya xwe bi rabirdûyê anî. Apê Îbrahîm her wiha diyar kir xort li gor berê pir zêde xira bûne û xortaniyeke bêniwêj mezin dibe.

“Dema kesê ku bimre extiyar be mişkîle nîne”

Apê Narmanê ku di berdewama axavtina xwe de diyar kir berê di nava civakê de herî zêde ji pîr û kalan re qedr û qiymet dihat dayîn û dû re wiha li axavtina xwe zêde kir: “ Berê ji bo extiyaran digotin ‘extiyar entîke ne’ yanî pîr û kal bûne lê pir bi qedr û qiymet in. Bi vî awayî qedr û qiymeta wan dihat zanîn. Lê niha ne wisa ye. Ez serpêhatiyeke xwe binîm zimên. Berî vê du salan  min gotinên du pîrekên ku di rê de diçûn guhdar kir. Yek ji wan pîrekan ji ya din re digot ‘Xêr e tu xuya nakî?’ ya din jî jê re got ‘Wallah taziyeke me hebû.’ Pîreka din ji ya din wiha pirs kir ‘Înşllah yê ku rehmet kiriye extiyar e.’ Wê jî got ‘belê.’ Vaye extiyar ew qas bêqedr û qiymet bûne. Yanî dema kesê ku bimre extiyar be mişkîle nîne.”

“Derfet zêde bûne, lê nexweşî jî zêde bûne”

Narman di berdewama axavtina xwe de diyar ew di ciwaniya xwe de gelek eziyet û zehmetî kişandiye û wiha li axavtina xwe zêde kir: “  Tê bîra min ji bo gezik nan me zeviyek dajot. Elbet wê demê traktor tunebûn. Hemû tişt bi hêza însanan dihat kirin. Me xweydan dida, lê niha ne wisa ye. Têa bîra min li ji Mêrdînê jor vir ve tu avahî tunebûn. Ev der çol û kevir bûn. Niha bajareke mezin hatiye înşakirin. Li gundan avahiyeke tenê jî ji batonê nehatibû çêkirin, tev ji axê hatibûn çêkirin. Lê niha temamê malan ji betonê ne. Ji bûyereke ku wî seriyê dinyayê qewimiye tu di heman wextî de pê dihesî. Derfet zêde bûne, lê nexweşî jî zêde bûne. Dema ku em îro û wextên berê bidin ber hev jiyana me ya kevin xweştir bû. Dema ku gezik nan li malê hebû me gelek zêde şikir dikir.”

“Xortên niha dinêrî  xwendine lê nimêj bi wan re tuneye, îbadet nemaye”

Narman di berdewama axavtina xwe de diyar kir  divê xortên ku mekebê dixwînin zêdetir li extiyaran xwedî derkevin û dû re wiha li axavtina xwe zêde kir: “ Xortên me ji ber ku mektebê dixwînin navberê dixwin naveyna me û xwe û bi çaveke xirab li me dinêrin. Ji me re dibêjin ‘we dinya nediye, hûn nizanin biaxivin!’ Ji ber ku di wextê me de mekteb tunebû me mekteb nexwend û derfeta me ya xwendinê jî tunebû. Lê qet tunebe me nimêj dikir. Tu xortên niha dinêrî  xwendine lê nimêj bi wan re tuneye. Îbadet nemaye.  Li gundekî kesekî/ê ku nimêj nedikir tunerbû, hemû kes nimçj dikir.  Niha di mala min bi xwe de jî xort nimêj nakin.  Xweda wan islah bike. Tewsiyeya min ji xortan re; nimêj bikin, îbadetê xwe bi şikleke kamil bikin û beriya her tiştî bibin însan. Her wiha qedr û qiymeta extiyarên xwe zanibin.  Ger hûn qedr û qiymeta pîr û kalên xwe zanibin ew ê sibe dema ku hûn pîr û kal bûn hinek kes qedr û qiymeta we jî zanibin.”(ÎLKHA)

Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.

Wezîrê Karên Hundir çû Çiyayê Katoyê ya ku lê operasyan tê kirin

Wezîrê Karên Hundir çû Çiyayê Katoyê ya ku lê operasyan tê kirin

2017-05-28 18:09:53

Wezîrê Karên Hundir Sileyman Soylu li Betûşebaba Şirnexê derket Çiyayê Katoyê ya ku lê ev 40 roj e li dijî PKKê operasyon tê lidarxistin.

Temamê eskerên ku li Manîsayê têdawî dibûn ji nexweşxanê derketin

Temamê eskerên ku li Manîsayê têdawî dibûn ji nexweşxanê derketin

2017-05-28 17:31:29

Temamê eskerên ku li Kirkagaça Manîsayê ji ber îxtîmala bijehrê ketinê hatibûn rakirin nexweşxanê, atin taburcîkirin.

Li Wanê 55 kîlo eroîn hat bidestxistin

Li Wanê 55 kîlo eroîn hat bidestxistin

2017-05-28 17:01:27

Li Elbaka Wanê di operasyona ku hat kirin de di nava wesayîtekê de tev de 55 kîlo eroîn hat bidestxistin.

HEMÛ NÛÇE

Di navbera eskerên Îranê û PJAKê de pevçûn: 2 mirî 7 birîndar

Li herema nêzî sînora Tirkiyê di navbera eskerên Îranê û PJAKê de pevçûn derket, di encama pevçûna ku derket de 2 esker jiyana xwe ji dest dan û 7 esker jî birîndar bûn.

Esîrên Filistînî dawî li greva birçîbûnê anîn

Esîrên Filistînî yên ku ev 41 roj e di zindanên rejîma îşxalker a siyonîst de gireva birçîbûnê didomînin dawî li greva birçîbûnê anîn.

Di konbajêr de hebên tiryakê hatin bidestxistin

Li Serê Kaniya Rihayê di wesayît û kona kesekî Sûriyeyî yê ku di Konbajêra Tekhamutê îqamet dikir de tev de 2 hezar 389 hebên tiryakê hatin bidestxistin.

Li Enqereyê qezaya trafîkê: 8 mirî

Otobusa ku ji Kastamonuyê ber bi Enqereyê va diçû li navçeya Kalecîkê ya Enqereyê qelibî, di qezayê da 8 kes mirin û 34 kes jî birîndar bûn.

Bi nimêja terawîhê ya ewil mizgeft tije bûn

Nimêja terawîhê ya ewil a Meha Remezana ku ji bo Misilmanan gelek bi qedr û qîmet e bi dia û îbadetan derbas dibe, hat eda kirin.

HEMÛ NÛÇE